曲奇涵既其他代替料

其實之前提及果個曲奇, 除左可以用芝士之外, 仲可以用其他代替架.
例如係:


cranberry (紅莓) - 又係大型超市有得賣, 不過多數買到既係雪藏既.
可以令尿液的pH值正常，改善泌尿器官疾病.
基本上如果我唔用口咬爛d cranberry, 就甘成粒比屋企既大少大小姐食..
佢地係采我都傻. (因為真係好酸呀!)
我又唔想日日用口咬爛比佢地食, d cranberry 又消耗得慢.
甘就不如用黎整曲奇啦.

整出黎都幾醜樣甘呢..不過因為整左做曲奇,
大少同大小姐就好樂意去食呢!

薏米 - 藥材鋪一定有, 不過我多數用一包包有機果d

其實我係煲薏米水,係落冰糖之前就畢起d水比兩小傻飲, 同埋畢起少少薏米黎整餅
薏米強腎功能,並有清熱利尿作用. 狗狗成日食狗餅都好熱氣下架.
得閒飲下薏米水, 菊花水,脾氣都會好d呀!




蒜頭 - 一瓣好啦!! (要磨泥woo!)

 一睇到用蒜頭就一定以為我亂講啦..
a, 唔好"o車"住.. 
其實狗狗既醫學報告已經講過蒜頭係對狗有益架.
記得晌好耐之前一個周兆祥博士既節目入面
都有講過佢d 狗有食大蒜同埋搵大蒜水沖涼, 可以有防蚤既功效, 亦都可以增強免疫力

甘當然唔好以食太多啦, 因為蒜頭有有種叫thiosulphate的物質可以破壞貓狗的紅血球,引致貧血.

20kg - 30kg 既狗食5g 就夠啦

甘整50塊既餅餅用1-半瓣就夠晒食一個月囉.

其實仲有好多整法, 暫時講住甘多先啦~

狗狗芝士曲奇

呢個係我家兩小傻日常既狗狗小零食.

芝士我用左cottage Cheese (茅屋芝士),
雖然係要去到大型超市先買到,
但係因為佢無鹽, 低脂, 無色素
所以我都會選用呢隻芝士, 岩晒狗狗食用

主要材料有低筋麵粉60g, 芝士60g, 麥皮30g同雞蛋半隻
(另外可以加少量既胚芽)
以下既材料可以做到大約50塊

1: 芝士篩走水份備用，篩好麵粉
2: 倒入胚芽和即食燕麥片攪伴
3,4:將已篩走水份的芝士分批加入攪伴

5: 加入雞蛋, 用手搓
6: 摺 7: 壓下 8:再提起

9:重覆以上動作直至變為粉團
10:鋪保鮮紙於台面, 放一點低根麵粉(防痴手用)
11:壓平粉團
12:想美觀d可以用模,
唔係既就甘整到一個個差唔多size既波波都可以


預熱焗爐至130度約10分鐘，並在焗盆上放下牛油紙/焗爐紙

焗約15分鐘至到金黃色(視乎個別焗爐)，放涼之後就食得囉~

芝士個盒仲有d 芝士痴住, 記住唔好晒呀, 可以就甘比狗狗食
cottage cheese 好有益~對骨骼好架!